Historia da Filosofía 2º Bacharelato (2009). Proposta didáctica dixital

Estudia Filosofía e Pedagoxía na Universidade de Santiago de Compostela, doutórase en 1997 coa tese "A educación afectivo-sexual na adolescencia. Epistemoloxía e didáctica dunha proposta".
Obtivo o premio Nacional Educación y Sociedad a materiais didácticos de innovación educativa do MEC polos libros "O animal Humano" e "Eros: Materiais para pensar o amor" en 1995.

Traballos e cargos

Foi presidenta da O.N.G. de Dereitos Sexuais Federación de Planificación Familiar de España dende Xaneiro de 1998 ata 2003, actualmente leva a representación internacional.
É Catedrática de Filosofía no Instituto Alexandre Bóveda de Vigo.
Forma parte do grupo Enxergo de Didáctica da Filosofía.
É profesora no Diploma Superior de Salud Sexual y Reproductiva de la Escuela Nacional de Sanidad en Madrid e en Extremadura, no Máster de Xénero e Políticas de Igualdade da Universidade de Vigo, no Máster de Xénero da Universidade de A Coruña e na Cátedra de Xénero Leonor de Guzmán na Universidade de Córdoba.
Colabora habitualmente cos Centros de Formación del Profesorado impartindo cursos de filosofía, didáctica, coeducación, sexualidade, multiculturalidade, prevención da violencia, bullying, etc.
Participa no deseño e imparte talleres nas Xornadas das Mulleres Veciñais de Vigo dende as primeiras edicións hai 15 anos
Colaborou co M.E.C. na elaboración das "Cajas Rojas" para o deseño das asignaturas de Filosofía no bacharelato.
Redactou o "II Plano Municipal para a Igualdade de Oportunidades e de Trato das Mulleres de Vigo".
Invitada pola IPPF (International Planned Parenthood Federation) a participar como representante voluntaria do Estado Español en temas de Dereitos Sexuais na IPPF European Network Regional Council Meeting celabradas en Luxemburgo, Roma, Oslo, Tallin, Praga, Dublín, etc.

Miguel Vázque Freire (Corcubión, 1951) e colaborador como crítico de literatura infantil en numerosas publicacións. Foi director da revista infantil "Golfiño" e codirector da colección Merlín de Xerais, ademais de co-autor dos materiais educativos de Filosofía de Xerais (1990-2008) como membro do grupo de Didáctica da Filosofía Enxergo e promotor de «Pé de Imaxe» e de Nova Escola Galega. Como especialista en didáctica da filosofía publicou: "Nietzsche" (Xerais, 1990); "Iniciación á Estética" (Xerais, 1993); "Política e Sociedade" (Xerais, 1993); "Mandar, obedecer, rebelarse" (Xerais, 1996), "O moucho voa" (Xerais, 2022) ademais de realizar a tradución para o galego da obra de R. Descartes "O discurso do método" (Xerais, 2000). Para o público infantil publicou: "As aventuras do Gato Bógar" (Xerais, 1989); «O rapaz que non quería ser heroe nin sabía dicir amor», conto incluído no volume "Contos da campaña 3" (1992); "A cor do elefante" (1994); a peza teatral, en colaboración con Gloria Sánchez, "A princesiña Socorro, o trobeiro Carolo e o demo dos cornos" (Xerais, 1995), "A primeira máquina de fotos" (1998), "O neno que tiña medo dos robots. O robot que tiña medo dos nenos" (1998), "María é maior" (2007), "Contos de Reis e de Nadal" (Xerais, 2007), "O souto escuro e perigoso" (Xerais, 2011), "Fadita fosca!" (2013). Como narrador publicou: "Proxecto pomba dourada" (1987, Xerais, 2000), novela; "A malvada María Xosé" (Xerais, 1989), novela; "Galería de esquecidos de Feliciano Lobelos" (Xerais, 1993), relatos; "Anxos en tempos de chuvia" (Xerais, 1997), novela, incluída na Lista de Honra do IBBY 1999 e "Demos de verán" (Xerais, 2017), novela. A súa obra está traducida a todas as linguas peninsulares.